Посета од првачињата од Основното Училиште ,,Кузман Јосифоски Питу“ / Vizitë e nxënësve të klasës së parë nga Shkolla Fillore „Kuzman Josifoski – Pitu“

ОУ Работнички Универзитет ,,Крсте Мисирков“ - Кичево, со особена чест и внимание ги пречека првачињата од Основното Училиште ,,Кузман Јосифоски Питу“. Првично дечињата имаа можност да ја разгледаат изложбата од Конкурсот за аматерска фотографија на самостојна декорација во Предавална1, а потоа следеше изненадување во Предавална2 каде подготвено ги пречекавме со мини работилница каде првачињата со техника на точкање доработија цртеж на тема есен. Во овој дел креативно ја одбележавме Детската недела. Убава беше радоста и креативноста која можеше да се види и почувствува.  Им посакуваме да бидат здрави, успешни во нивното образование и да си ги почитуваат родителите и наставничките бидејќи од нив многу ќе научат. Нашата институција се стреми да ја разбуди креативноста кај различни возрасти на учесници и да придонесе во културното живеење за нашата општина Кичево.